საქართველოს ეროვნულ მუზეუმში ივერიის ღვთისმშობლის ხატის სახელობის ტაძრის არქიტექტურული პროექტის პრეზენტაცია გაიმართა

 საქართველოს ეროვნულ მუზეუმში, მახათას მთაზე მშენებარე ივერიის ღვთისმშობლის ხატის სახელობის ტაძრის არქიტექტურული პროექტის პრეზენტაცია გაიმართა. პროექტი ომარ ნაფეტვარიძეს ეკუთვნის. პრეზენტაციაზე საზოგადოებამ რეჟისორ ლევან კოღუაშვილის ვიდეო-კლიპი ნახა, რომელიც 2011 წლის 12 მაისის ტაძრის საძირკვლის კურხევას ასახავს და ისტორიული მშენებლობის მნიშვნელობის შესახებ გვიამბობს. ღონისძიებაზე ანსამბლ "მძლევარმა", მარიამ როინიშვილმა, ლიზა ბაგრატიონმა და მიშო ჯავახიშვილმა საქართველოს კათოლიკოს-პატრიარქის მიერ შექმნილი საგალობლები და უფლის სადიდებელი ნაწარმოებები შეასრულეს. ასევე გაიმართა ვებ-გვერდის პრეზენტაცია, რომლის დახმარებით საქველმოქმედო აქციაში მონაწილეობის მიღებას შეძლებენ, როგორც საქართველოს მოქალაქეები, ასევე უცხოეთში მცხოვრები ქართველებიც. ისტორიული მშენებლობა 17 აპრილს დაიწყება. პეზენტაციას უწმიდესი და უნეტარესი, სრულიად საქართველოს კათოლიკოს-პატრიარქი, მთავარეპისკოპოსი მცხეთა-თბილისისა და მიტროპოლიტი ბიჭვინთისა და ცხუმ-აფხაზეთისა ილია მეორე, თბილისის მერი გიგი უგულავა, ფონდ “ივერიის”-ს დამფუძნებელი პაატა ბურჭულაძე, ბიზნესმენები და საზოგადოების წევრები დაესწრნენ.